Біз қашықтықтан өткізіліп жатқан «Балалар сыбайлас жемқорлыққа қарсы» атты балалар суреттерінің республикалық байқауын жалғастырамыз. Байқаудың бірінші аптасы керемет нәтиже көрсетті! Бүгінгі таңда байқауға 100-ден астам шығармашылық жұмыстар келіп түсті. Байқауды Қазақстан Республикасы Оқу-ағарту министрлігінің Республикалық қосымша білім беру оқу-әдістемелік орталығының қолдауымен Қазақстан Республикасы Сыбайлас жемқорлыққа қарсы іс-қимыл агенттігі өткізеді.
Байқауға 7 жастан 17 жасқа дейінгі үш жас санаты қатыса алады. Қазірдің өзінде өте қызықты және жарқын жұмыстаркеліп түсуде. Жұмыстарды қабылдау 12 қазанда аяқталады. 24 қазанға дейін Қазақстан Республикасы педагог-суретшілер Одағынан, Халықаралық педагог-суретшілер Одағынан, Қазақстан Республикасы Дизайнерлер Одағынан және Қазақстан Республикасы Сыбайлас жемқорлыққа қарсы іс-қимыл агенттігінің (Сыбайлас жемқорлыққа қарсы қызмет) сыбайлас жемқорлыққа қарсы мәдениетті қалыптастыру басқармасы мамандарының арасынан құрылған қазылар алқасы жұмыс істейтін болады, олар байқау жеңімпаздарын анықтайтын болады.
Байқауға қатысушылардың суреттері әр түрлі техникалар мен стильдерде (гуашь, акварель, түрлі-түсті қарындаштар, қарындаш, компьютерлік графика, аралас техника және т.б.) түрлі сурет салу құралдарын қолдана отырып жасалған. Әрбір жұмыс сыбайлас жемқорлық проблемасын өз деңгейінде көрген және сезінген қатысушылардың дүниетанымын ашады және оның қоғам мен адамға жағымсыз салдарын жеке-жеке жеткізуге тырысты. Мұндай байқауларды жастар өмірдің мәні туралы ойлануы, ең жақсы қасиеттерді тәрбиелеуі үшін жиі өткізу керек: адалдық және жауапкершілік. Осы байқаудың көмегімен біз балаларда патриотизм сезімі оянғанын көреміз, өйткені олар мәселеге деген көзқарасты шын жүректен жеткізеді. Мұны біз ести де білдік десек те болады. Сыбайлас жемқорлық – бұл зұлымдық және ол әр адамға және жалпы мемлекетке үлкен зиян келтіруі мүмкін, сондықтан біз оған қарсы тұруымыз керек, Тәуелсіз мемлекетіміздің дамуы, демократиялық және күшті болуы үшін бүкіл қоғаммен күресуіміз керек.
Шарттар туралы толығырақ мына сілтеме арқылы білуге болады: https://drive.google.com/drive/folders/1o5noOiNfkUwXcYXMQgYOWEG5TsEn8gUD
Баршаңызға сәттілік тілейміз және өтінімдеріңізді әлі де күтеміз!
Comments