​

      Орталық туралы

 

        Қазақстан Республикасы Оқу-ағарту министрлігінің «Республикалық қосымша білім беру оқу-әдістемелік орталығы» республикалық мемлекеттік қазыналық кәсіпорны (бұдан әрі – Орталық) Қазақстан Республикасы Үкіметінің 2004 жылғы 28 сәуірдегі «Республикалық оқушылар сарайы» республикалық мемлекеттік қазыналық кәсіпорны атын өзгерту туралы» № 481 қаулысына сәйкес құрылды.

         Орталыққа қатысты республикалық мемлекеттік меншік субъектісінің функцияларын Қазақстан Республикасы Қаржы министрлігінің Мемлекеттік мүлік және жекешелендіру комитеті жүзеге асырады.

         Орталықтың мемлекеттік басқару органы – Қазақстан Республикасы Оқу-ағарту министрлігі.

         Өз қызметінде Орталық Қазақстан Республикасының Конституциясын, Қазақстан Республикасының Азаматтық кодексін, 2007 жылғы 27 шілдедегі «Білім туралы», 1995 жылғы 19 маусымдағы «Мемлекеттік кәсіпорын туралы» заңдарын және өзге де нормативтік құқықтық актілерді, сондай-ақ Орталықтың Жарғысын басшылыққа алады.

          РҚББОӘО қызметінің мақсаты: балаларға қосымша білім беру жүйесін ғылыми-әдістемелік, бағдарламалық-әдістемелік, оқу-әдістемелік, оқу-тәрбиелік, ұйымдастыру-мазмұндық, ақпараттық қолдау құралдары арқылы дамытуды қамтамасыз ету.