Ағымдағы жылдың 11 мамыр күні Техникалық шығармашылық және кәсіби бағдар беру орталығында «Балалар жылы» аясында және Жеңіс мерекесіне орай «Өнерліге өріс кең» тақырыбында жаңа аптылықтың ашылу салтанаты өтті. Мақсаты: балалардың техникалық шығармашылық қабілетін арттыру, техникалық үйірмелердің қыр-сырын үйрету болып табылады.
Бүгінгі іс-шараға техникалық бағыттағы үйірмелердің педагогтері мен оқушылары қатысты. Алдағы уақытта жоспар аясында «Әуе үлгілеу», «Автоүлгілеу», «Кеме үлгілеу», «Робототехника», «Қызықты техника» және «Компьютерлік кескіндеме мен анимация» үйірмелері бойынша танымдық, қызықты ең бастысы оқушылардың білім беру сапасын арттыру барысында түрлі ашық сабақтар өткізілетін болады.