Еркеғали Рахмадиев атындағы мемлекеттік академиялық филармониясының әртісі, қобызшы Ғалия Құнтаева «Әншуақ» қазақ тіліндегі балалар әндерінің фестиваліне қатысуға шақырады.
Елімізде алғаш рет өтетін фестиваль аясында 1 ақпаннан бастап еліміздің түкпір-түкпірінде челлендж басталды. Оған 6 жастан 18 жасқа дейінгі кез келген бала қатыса алады. Ол үшін TikTok әлеуметтік желісінде #ӘНШУАҚ ортақ хэштегінің астына қазақ тіліндегі балалар әнінің жанды орындалған бейнесін жүктеу қажет.
