Құрметті әріптестер!
Ұлттық домбыра күні баршаңызға құтты болсын! Домбыра – қазақ ұлтының болмысын даралайтын, табиғатын танытатын, мінезін айшықтайтын қасиетті аспап. Күй – жылағанды жұбататын, құлазығанды қуантатын құдырет. Шілденің алғашқы жексенбісін ұлттық домбыра күніне арнау Елбасымыздың туған халқының рухани мұрасына ыстық ықыласының белгісі. Домбыра күйлерінің ЮНЕСКО-ның адамзат игілігіндегі материалдық емес мұралар тізіміне енгені қуантарлық жайт. Құрманғазы, Дәулеткерей мен Тәттімбеттей дара таланттар туған елде әлі де талай дарындар өмірге келетіні заңдылық. Қадірлі ұстаздар! Болашақ өнер саңлақтарын тәрбиелеуде отбасыларыңызға амандық, дендеріңізге саулық, сарқылмас қуат, еңбектеріңізге табыс тілейміз!
Құрметпен, РҚББОӘО ұжымы