«Үздіксіз білім берудегі инновациялық идеялар» республикалық WORKSHOP-семинары

Қазақстан Республикасы Оқу-ағарту министрлігінің Республикалық қосымша білім беру оқу-әдістемелік орталығы 2025 жылғы 18 қазанда ZOOM платформасында республикалық WORKSHOP-семинар өткізді.

 Семинарға мектепке дейінгі, орта, қосымша және техникалық білім беру ұйымдарының 380-нен астам педагогтері мен басшылары қатысты.

Мақсаты – педагогтердің кәсіби құзіреттілігін арттыру және инновациялық тәсілдерді оқу-тәрбие үдерісіне енгізу арқылы білім алушылардың тұлғалық дамуын қолдау.

 Теориялық бөлімде Ы.Алтынсарин атындағы Ұлттық білім академиясының вице-президенті Рашит Белгибаев, Алматы қаласындағы «№7 Оқушылар үйінің» инклюзивті білім беру жөніндегі орынбасары Камила Толендиева, сондай-ақ Ақмола облысы Талапкер орта мектебінің директоры Сагимбала Абеева сөз сөйледі.

Семинар жұмысы 7 секцияда жалғасты, онда жаңашыл және шығармашылық педагогтер өз тәжірибесімен бөлісті.