2021 жылғы 14 сәуірде ҚР БҒМ РҚБОӘО Қызылорда облысындағы аудандық өзін-өзі басқару үйлестірушілерімен және директорларының тәрбие жұмысы жөніндегі орынбасарларымен онлайн кездесу өткізді.
Онлайн кездесуде ҚР БҒМ Балалардың құқықтарын қорғау комитетінің басқарма басшысы - Кошкарова Гульнаш Хамитовна мектептегі өзін-өзі басқару жұмысы, Мектеп парламенті - Президент, Фракция депутаттарының сайлауын ұйымдастыру туралы егжей-тегжейлі айтып берді.
Қызылорда қалалық білім бөлімінің тәрбие маманы - Ботанов Ерлан Тенизбаевич Қызылорда қаласындағы білім беру ұйымдарында мектеп Парламентін ұйымдастыру жұмысы туралы тоқталды. Қармақшы ауданы білім бөлімінің тәрбие маманы - Тоқшылықова Ақтолқын Камалбекқызы «Мектеп Парламенті – оқушыларды әлеуметтендірудің нысаны» тақырыбын ашты. Қазалы ауданы білім бөлімінің тәрбие маманы - Ерімбеков Қуаныш «Өзін-өзі басқару арқылы оқушылардың тұлғасын әлеуметтендіру» тақырыбы бойынша аудандағы жұмыстар туралы баяндады. Онлайн кездесу жоғары деңгейде өтті.
