Туризм техникасы бойынша «Саяхат - 2024» облыстық жарысының АҚПАРАТЫ

2024 жылдың 9-10 қазан күндері Қалалық жас туристер стансасы Республика күніне спорттық  туризм техникасы бойынша «Саяхат - 2024» облыстық жарыс ұйымдастырып өткізді.

Облыстық жарыстың мақсаты: Ақтөбе облысының балалар мен жасөспірімдер туризмін дамыту, салауатты өмір салтын насихаттау, техникалық шеберліктерін арттыру, командалар арасында мықтыларды анықтау.

         Жарысқа 11 команда 70-ке жуық оқушы қатысып, бақ сынасты.

         Қатысушылар жарыс барысында дала жағдайында «Туристік кедергілер жолағы», «Дәрігерге дейінгі алғашқы көмек», «Техникалық» және «Туристік тұрақты ұйымдастыру» арақашықтықтарынан өтті.

         Жалпы топтық сынақта: М.Құсайынов атындағы Ақтөбе облыстық дарынды балаларға арналған мамандандырылған лицей-интернаты І орын, №65 орта мектебі ІІ орын, №22 және №64 орта мектептері ІІІ орын иеленді.

          Жеңімпаздар «Ақтөбе-Дарын» өңірлік ғылыми-тәжірибелік қосымша білім беру орталығы атынан дипломдармен, медальдармен, кубоктармен марапатталады.