«Театрдың ғажайып әлемі» республикалық театр өнері фестиваль-байқауы

2025 жылдың 29 қыркүйегі мен 24 қазаны аралығында

Республикалық қосымша білім беру оқу-әдістемелік орталығы

қашықтан форматта «Театрдың ғажайып әлемі» республикалық фестиваль-байқауын өткізді.

Байқаудың мақсаты – балалар мен жасөспірімдердің театр шығармашылығын қолдау және дамыту, рухани-адамгершілік пен эстетикалық құндылықтарды қалыптастыру, тұлғаның үйлесімді дамуына және өзіндік қабілетін танытуына жағдай жасау.

Балалар театр ұжымдары музыкалық (опера, балет, мюзикл, данс-спектакль), драмалық және қуыршақ театрларының қойылымдарын, әдеби-музыкалық композицияларын ұсынды.

Жас актерлердің өнерін Күләш Байсейітова атындағы Қазақ ұлттық өнер университетінің аға оқытушылары, Шахмет Құсайынов атындағы қазақ музыкалық-драма театрының әртістері, Ж. Елебеков атындағы Республикалық эстрада-цирк колледжінің «Театр және кино актері» мамандығының оқытушылары бағалады.

Қорытынды бойынша:

 4 ұжым жеңімпаз атанды, сондай-ақ «Үздік жас актриса», «Үздік жас актер»,

«Үздік актерлік образды сомдау» және «Көркем сөз» номинациялары бойынша 4 жүлдегер анықталды.

Фестиваль балалардың театр өнеріне деген қызығушылығын арттырып, олардың шығармашылық әлеуетін ашты. Мұндай іс-шаралар ұжымдық өнерді дамытып, педагогтердің кәсіби шеберлігін арттыруға және ұлттық, әлемдік мәдениетпен жақын танысуға зор мүмкіндік береді.

 Қорытынды нәтижелер 2025 жылғы 24 қазанда www.ziyatker.org сайтында жарияланады.