Республикалық үйлестіру кеңесінің кеңейтілген отырысы Ақтөбеде өтуде!

Қазақстан Республикасы Оқу-ағарту министрлігінің Республикалық қосымша білім беру оқу-әдістемелік орталығы Ақтөбе қаласындағы Шығармашылық академия базасында әлеуметтік-педагогикалық бағыттағы қосымша білім беру ұйымдарының басшылары үшін «Қосымша білім беру педагогінің кәсіби құзыреттілігі, жаңашылдығы және жұмыстың оң нәтижеге бағытталуы» тақырыбындағы республикалық үйлестіру кеңесінің кеңейтілген отырысын өткізуде.

 Отырысқа Ақтөбе облысының атқарушы органдарының өкілдері, «Халықаралық педагогика академиясы» халықаралық қорының төрағасы, CYBERPACK AI компаниясының бас директоры, JOO High School Aqtobe директоры және еліміздің 80 әлеуметтік-педагогикалық бағыттағы қосымша білім беру ұйымдарының директорлары мен орынбасарлары қатысады.

 Күн тәртібінде педагогтердің кәсіби дамуы, инновациялық тәжірибелерді енгізу, қосымша білім беру ұйымдарының жұмыс сапасын арттыру стратегиялары талқыланады.

 Ерекше назар педагогтердің көшбасшылық әлеуетін, шығармашылық бастамашылдығын және білім беру нәтижелерін жобалау қабілетін дамытуға аударылады.