Республикалық экологиялық байқаудың жеңімпаздары

Өскелең ұрпақтың экологиялық мәдениетін қалыптастыру, оқушылардың қоршаған ортаға деген сүйіспеншілігін ояту мақсатында наурыз-сәуір айларында Халықаралық құстар күніне арналған ХІ Республикалық «Құс сыңғыры» экологиялық байқауы қашықтықтан өткізілді.

Қатысушылар байқау ережесіне сәйкес, «Компьютерлік графика» мен «Сурет байқауы» номинациялары бойынша өз жұмыстарын ұсынды.

Байқауға Маңғыстау облысының жалпы және қосымша білім беру ұйымдарынан барлығы 20 оқушы қатысып, оның ішінде 2 оқушы жеңімпаз атанды.

Атап айтқанда, Ақтау қаласы, ІТ мектеп-лицейінің 9 сынып оқушысы Д. Урынгалиева қатарластарынан оза шауып І орынды иеленсе, Бейнеу ауданы, Қ.Бақтыбайұлы атындағы Бейнеу өнер мектебінің оқушысы А. Жексенбай жүлделі ІІІ орынға ие болды.

Маңғыстау облыстық балалар мен жасөспірімдер туризмінің орталығы жеңімпаз атанған жас экологтарға шығармашылық табыс тілей отырып, жеңістерімен шын жүректен құттықтайды! Қанаттарыңыз талмасын!