Орталығымыздың төрі ардақты ұстаздарға арналды!

Қазақстан Республикасы Оқу-ағарту министрлігінің бастамасымен ұйымдастырылған «Ұстазыңды құттықта!» челленджін қолдау мақсатында Республикалық қосымша білім беру оқу-әдістемелік орталығы РМҚК ұстаздарын арнайы шақырып, салтанатты түрде қарсы алды.

Іс-шара барысында орталық директоры Абишева Гульнара Абдрахмановна ұстаздарға жүрекжарды алғысын білдіріп, олардың еңбегін ерекше атап өтті. Мұғалімдерге алғыс хаттар табысталып, қоғамдағы мәртебесі мен қадір-қасиеті айрықша дәріптелді.

Бұл күн – ұрпаққа білім мен тәрбие беріп, болашаққа жол сілтеген ұстаздарға тағзым күні. Осындай шаралар ұстаз бен шәкірт арасындағы рухани байланысты нығайтып, алғыс пен құрметтің шынайы үлгісін көрсетті.

Ұстазға құрмет – болашаққа құрмет!