ОБЛЫСТЫҚ ІРІКТЕУ ӨЗ МӘРЕСІНЕ ЖЕТТІ!

🔹ОБЛЫСТЫҚ ІРІКТЕУ ӨЗ МӘРЕСІНЕ ЖЕТТІ!

Ағымдағы жылдың 7 қыркүйек күні БҚО Білім басқармасының «Дарын» қосымша біліморталығы ұйымдастырған 9-11 сынып оқушылары арасындағы республикалық пікірсайыс турнирінің облыстық іріктеу кезеңі өтті.

✔️Турнирдің мақсаты: білім алушылардың бойында азаматтық ұстанымды, өзінің және қоғам алдында өз іс-әрекеттері үшін жауапкершілікті қалыптастыру, елде байқалатын өзекті жағдайларды талдау және жариялы талқылау арқылы шығармашылық және сыни ойлау қабілетін дамыту.

Аталмыш турнирге қазақ лигасы бойынша 16 фракция, 48 спикер, орыс лигасы бойынша 8 фракция 24 спикер, ағылшын лигасы бойынша 7 фракция, 21 спикер қатысты. Оның ішінде 12 аудан, облыстық С.Сейфуллин атындағы №11 мектеп-лицей-интернаты, №8 мектеп, IT лицей, Абай атындағы мектеп-гимназиясы, Білім инновация лицейі, Орал қаласының оқушылары бар. Төрешілердің әділ шешімен жеңімпаздар анықталып БҚО Білім басқармасының грамоталарымен марапатталды. Барлық жүлдегерлерді құттықтаймыз! 11-12 қазанда өтетін Республикалық кезеңге жолдама алған барлық жеңімпаздарға сәттілік тілейміз!