«Алғыс айту күні» аясында Нұр-Сұлтан қаласындағы Махамбет Өтемісұлы атындағы оқушылар сарайының Әкелер кеңесі «Жылы жүрек» атты қайырымдылық акциясын ұйымдастырды. Аталмыш акцияға әкелер кеңесінің мүшелері мен ерікті жандар белсенді қатысты.
Қайырымдылық шараның мақсаты – мұқтаж жандарға қолдау көрсету, көмек қолын созу. Әкелер кеңесі көмекке мұқтаж отбасыларды анықтады. Осы отбасыларға азық-түлек себеті, балаларға арналған сыйлықтар мен ақшалай сертификат табыс етілді.
Әкелер кеңесі жалғызбасты көпбалалы әкелерге қолдау танытты. Тағдыр тәлкегіне тап болып, жан-жары қайтыс болған әкелер бүгінгі күнде бес баланы бір өздері асырап отыр. Акция қатысушылары кішкентай бүлдіршіндер мен олардың асқар тау әкелеріне жылы лебіздері мен тілектерін білдірді.
