Оқушылардың демалысын тиімді ұйымдастырып, жасөспірімдерге туризм негіздерін игерту мақсатында Жас туристер станциясының үйірме оқушылары жасанды жартаста тау туризмі техникасының негіздерін үйреніп, жаттығуда. Биіктікке өрмелеу- әрі қиын, әрі табандылық пен батылдықты талап ететін өнер. Биыл Жас туристер станциясының туризм бөлімі әдіскерлерінің қолдауымен Ақсай қ. №7 ЖОББМ және Бөрлі №1 ЖОББМ жасанды жартас (Скалодром) құрылды. Бүгінгі таңда жартаста тау туризмі техникасынан үйірме сабақтары өтуде. Жас ұрпақтың техникалық және тактикалық спорттық шеберліктерін шыңдап, салауатты өмір дағдыларын қалыптастыруда тау туризмнің алар орны ерекше.
