«Жас музыканттар» республикалық фестиваль-байқауы

Қазақстан Республикасы Оқу-ағарту министрлігі мен «Республикалық қосымша білім беру оқу-әдістемелік орталығының» қолдауымен балалар музыка және өнер мектептерінің білім алушылары арасында республикалық фестиваль-байқау қашықтық форматта өтті.

 Байқаудың мақсаты – музыкалық талантты оқушыларды қолдау, шығармашылық белсенділігін арттыру және кәсіби бағдарын дамыту.

Биылғы байқауға еліміздің түкпір-түкпірінен 10 000-нан астам оқушы қатысып, республикалық кезеңге 660 жас музыкант өтті. Олар қазақ және орыс халық аспаптарында (домбыра, қобыз, жетіген, баян, балалайка, гитара және т.б.) өнер көрсетті.

Қорытынды бойынша 68 жеңімпаз анықталды.

Жеңімпаздарға дипломдар, барлық қатысушыларға сертификаттар табысталды.

Сертификаттар www.ziyatker.org сайтында орналастырылған.

Бұл фестиваль жас таланттарға өз өнерін көрсетуге, кәсіби тәжірибе жинақтауға және үлкен сахнаға жол ашуға мүмкіндік берді.