ЖАЗ-2021 «Жігер» психологиялық қолдау

Қостанай облысы, Меңдіқара ауданындағы Г. Жұмабаев атындағы Боровской мектеп-гимназиясының базасындағы «Жігер» психологиялық қолдаудың жазғы алаңы өз жұмысын жалғастыруда. Психологиялық алаңның жетекшісі – Тулеева Айбарша Кабитеновна. Алаңға 6-8 сыныптарда оқитын 20 бала қатысуда.

«Жігер» психологиялық алаңының педагогтері балалармен психоэмоционалдық ширығуды жеңілдетуге бағытталған тренингтік сабақтарын жүргізуде. Айбарша Қабитенқызы оқушылардың психологиялық көңіл-күйіне, салауатты өмір салтын қалыптастыруға және сауықтыруға үлкен назар аударады.

Көбінесе сабақтар таза ауада өтеді (тренингтер, жаяу серуендеу, белсенді ойындар, спорт жарыстары). Балалардың әр сабаққа қызығушылықпен және ықыласпен қатысатыны көрініп тұр.