«Білім алушылардың әлеуметтену мәселелері. Педагогикалық-психологиялық сүйемелдеу»

2022 жылдың 19 сәуірінде Қарқаралы ауданының білім бөлімі "Сарыарқа дарыны" аймақтық ғылыми-практикалық орталығының әлеуметтік-психологиялық сүйемелдеу зертханасымен бірлесіп, директордың тәрбие ісі жөніндегі орынбасарлары, педагог-психологтар, әлеуметтік педагогтар және сынып жетекшілеріне «Білім алушылардың әлеуметтену мәселелері. Педагогикалық-психологиялық сүйемелдеу» тақырыбында супервизия аясында семинар - тренинг өткізді. Суперзивияның негізгі міндеті - кәсіби педагогикалық жауапкершілікті және педагогикалық процестегі топтық жұмыстың маңыздылығын арттыру. Семинарға 23 директордың орынбасары, 32 педагог-психолог, 7 әлеуметтік педагог, 11 сынып жетекші және 1 әдіскер қатысты. Іс - шаралар Қарқаралы қаласының О. Жәутіков атындағы #1 жалпы білім беретін қазақ мектебінің базасында өтті.