Балалар туризмі мен экологиялық білім берудегі жаңа көкжиектер

2025 жылғы 30 қазан айында Орал қаласында Қазақстан Республикасы Оқу-ағарту министрлігінің Республикалық қосымша білім беру оқу-әдістемелік орталығы туристік-өлкетану және экологиялық-биологиялық бағыттағы балаларға қосымша білім беру бағдарламаларын іске асыратын ұйымдардың басшыларына арналған Республикалық үйлестіру кеңесінің кеңейтілген отырысын өткізді.

 Үйлестіру кеңесінің жұмысына қатысты:

-Қазақстан Республикасы Президенті жанындағы Әйелдер істері және отбасылық-демографиялық саясат жөніндегі ұлттық комиссияның өкілдері,

-Оқу-ағарту, Туризм және спорт, Экология және табиғи ресурстар министрліктерінің өкілдері,

-Батыс Қазақстан облыстық және қалалық мәслихаттарының депутаттары,

-Облыстық балалар-жасөспірімдер туризмі орталығының Қамқоршылық кеңесінің мүшелері,

-спикерлер,

-аудандық және қалалық білім бөлімдерінің басшылары,

-туризм-өлкетану және экологиялық-биологиялық бағыттағы ұйымдардың жетекшілері,

-педагогтер мен бұқаралық ақпарат құралдарының өкілдері.

Отырыстың негізгі мазмұны мен талқылаулары балалардың экологиялық мәдениетін қалыптастыру, өлкетану мен туризм саласындағы инновациялық тәсілдерді енгізу, сондай-ақ қосымша білім беру ұйымдарының әлеуетін арттыруға бағытталды.