Балдәурендегі педагогикалық кеңес

2020 жылғы 6 маусымда Алматы облысы Қапшағай қаласы «Балдәурен» республикалық оқу-сауықтыру орталығы білім беру бөлімінде жылдық қорытынды педагогикалық кеңес өтті. Кеңесте пәндер бірлестіктерінің, жас мамандар мектебінің, іс-әрекетті зерттеу бойынша шығармашылық тобының есептері тыңдалды. Жыл бойы атқарылған жұмыстардың қорытындысы бойынша мониторинг жасалып, ұстаздар қауымы өз жұмыстарының нәтижесін көрді.

Педагогикалық кеңес аяғында жылдық қорытынды бойынша үздік нәтиже көрсеткен тарих пәнінің мұғалімі А. Мурзакулова, ағылшын тілі пәні мұғалімі С. Шайдуллова, қазақ тілі мен әдебиеті пәнінің мұғалімі Б. Игисенова орталық басшысы Алғыс хатымен марапатталды.