Шығыс Қазақстан облысы, Зайсан ауданында М.Ломоносов атындағы орта мектебінің «Жас сарбаз» сыныбының оқушылары, мұғалімдері Азамат Байғожаевпен бірге № 2017 әскери бөлімінде болды.
Жасөспірімдердің әскери - патриоттық тәрбиесін күшейтіп, Отанға деген адалдыққа, тәртіптілікке баулу мақсатында осы іс-шара ұйымдастырылды. Таныстыру шарасының басы-қасында бөлімнің аға офицері майор М.Розахунов жүрді. Олар әскери бөлімнің плацында саптай тізіліп салтанатты шерумен өтті. Ғасырға жуық тарихы бар шекара жасағы туралы деректі фильм тамашалады. Қару-жарақ түрлерімен танысты, сарбаздардың күнделікті күн тәртібін көрді.
Ең бастысы, жеткіншектердің әсері ерекше. Шекара жасағының командирі подполковник Қожахмет Дангулбеков өз сөзінде: - Жас сарбаздарға берілген тәлім-тәрбиені бойларына сіңіріп, отансүйгіш, жігерлі азамат болып қалыптасады деп сенемін, келешекте еліміздің қорғаны болып, егеменді еліміздің білімді, саналы, патриот азаматтары болуларына тілектестік білдіремін,-деді.
Шара соңында әрбір оқушыға «Алғыс хат» табыс етті.
