«Жүзден жүйрік» туристік-өлкетану бағытындағы жарыс

Ақтөбе қаласының Жас туристер станциясы қысқы демалыс кезінде №45 орта мектептің базасында туристік - өлкетану бағытында сыныптан тыс іс-шара ұйымдастырып өткізді.

Жарыстың мақсаты: оқушылардың туристік-өлкетану белсенділіктерін арттыру, ұжымдық істе шеберлік пен бірлікке дағдыландыру, оқушылардың қысқы демалыс кезіндегі бос уақыттарын ұтымды пайдалану.

Жарыс барысында оқушылар өлкетану бағыттарындағы түрлі тапсырмаларды орындап, спорт-туристік жол кедергілерінен өтті. Жарыста оқушылар командаларға бөлініп, 7 кезеңнен тұратын жол кедергілерінен өтті, олар: «Көңілді секіру», «Жалауды жеткіз», «Табысты өнім», «Кенгуру», «Шеңбер ішіндегі қақтығыс», «Қақпан», «Кім жылдам» кезеңдері. Жарыс ойын-эстафета түрінде ұйымдастырылып, өте қызықты, әрі тартымды өтті.

«Жүзден жүйрік» туристік - өлкетану бағытындағы жарысқа 5-7 сынып аралығындағы 40-қа жуық бала қатысып, сынға түсті.

Әділқазылар жеңімпаздарды анықтап, Қалалық жас туристер станциясының мақтау қағаздарымен марапаттады:

І орын – «Саяхат» командасы;

ІІ орын – «45 алауы» командасы;

ІІІ орын – «№ 64 ЖББОМ» командасы;

ІІІ орын – «Жігер» командасы.