Гидропоника - өсімдіктерді экологиялық өсіру

Ақмола облысы Жақсы ауданының «Жас натуралистер станциясы» КММ бастамасымен, ҚР БҒМ Республикалық қосымша білім беру оқу-әдістемелік орталығының қолдауымен, 23 сәуір күні сағат 12.00-де «Гидропоника - өсімдіктерді экологиялық өсіру» тақырыбында онлайн-конференция өткізді.

Онлайн-конференцияға барлық өңірлер мен облыстардан жас натуралистер станциясы мен экологиялық-биологиялық бағыттағы орталықтардың басшылары мен қосымша білім беру педагогтері қатысты.

Вебинарда жас натуралистер станциясының директоры Ирина Сергеевна Морозова, қосымша білім беру педагогы Нина Григорьевна Пасарар және білімалушы Никита Морозов баяндама жасады.