Шымкент қалалық Оқушылар сарайында Ұлы Абайдың 175 жылдығына орай 2020 жылғы 24 ақпанда жас мамандар арасында «Үздік қосымша білім беру педагогі - 2020» байқауы ұйымдастырылды. Төрт кезеңнен тұратын байқауға 7 педагог қатысты. Алғашқы кезең «Үйірме сабағынан көрініс» сабақтың видеопрезентациясы, ІІ-кезең «Абай әлемінде» - ақын шығармашылығынан сайыс, ІІІ – кезең «Қайырымды қала жастарымыз» Шымкент қайырымды қала шарасына үлес қосу және соңғы кезең «Педагог, біліктілігің қандай?» сұрақ-жауап сәті ұйымдастырылды.
Үлкен дайындықпен қатысқан педагогтардың арасынан алға шыққан Алғашқы эстетикалық даму мектебінің «Еркетай» тобының жетекшісі Турдалиева Жансая Кынатбекқызы жүлделі БАС ЖҮЛДЕ иеленді. І-орынды «Шабыт» үйірмесінің жетекшісі Әлібек Назерке Бақытжанқызы, ІІ-орын Алғашқы эстетикалық даму мектебінің «Қарлығаш» тобының жетекшісі Жумабекова Анар Туралиевна, ІІІ орын - «Композиция» көркемсурет үйірмесінің жетекшісі Бахарова Гүлжан Нұрғалиқызы қанжығалады.
Сондай-ақ, «Өнерлі жас маман» аталымын «Дәстүрлі ән, терме» үйірмесінің жетекшісі Төребек Жадыра Исламбекқызы, «Жаңашыл жас маман» аталымын аула клубына қарасты «Алтын оймақ» үйірмесінің жетекшісі Махамбетова Айгүл Елезбайқызы, «Білікті жас маман» аталымын «Шахмат» үйірмесінің жетекшісі Тайбек Ердос Оңалтайұлы иеленді. Байқау кезеңдерінен тыс «Лайктайм» инстаграм желісінде дауыс жинау бойынша 1303 дауыс жинаған Жумабекова Анар Туралиевна алға шықты!
