Батыс Қазақстан облысы «Жас Ұлан» оқушылар ұйымының ұйымдастыруымен «Өзіңнен баста» үгіт насихат жобасы іске қосылды. Бұл жобаның басты мақсаты – қоғамда орын алып жатқан келеңсіз жағдайлардың алдын алу, атап айтсақ, құқық бұзушылық, нашақорлық, жемқорлық сынды зиянды әрекеттерді болдырмау жолдарын насихаттау.
Жобаға Жаңақала ауданындық ішкі істер бөлімінің кәмелеттік жасқа толмағандар ісі жөніндегі инспектор, аға лейтенант Нұрғалиев Фархат Файлұлы, Жаңақала ауданындық ауруханасының салауатты өмір салтын қалыптастыру бөлімінің дәрігері Мұхатай Амандық Талғатұлы, Жаңақала аудан әкімі аппаратының бас маманы, заңгер Тасмағамбетова Надежда Бақтығалиқызы қатысып баяндама, түсіндірме жұмыстарын жүргізді.
