top of page

Балаларға арналған қосымша білімнің «Роботехника», «ROBO KIDS», «Robo Land», «Эко моделирование үйі

2019 жылғы 28 қарашасында Жезқазған қаласының «Балалар мен жасөспірімдер сарайы» жанындағы Шығармашылық дамыту орталығына Жезқазған қаласының әкімі Бегимов Қайрат Баяндыұлы, қала әкімінің орынбасары З.Ж. Ақылбекова, Жезқазған қаласының қоғамдық кеңесінің мүшелері, әкім аппаратының қызметкерлері, БАҚ өкілдері келіп, балалардың шығармашылық орталықтағы жұмыстарымен танысты.

Қонақтар «Туризм және өлкетану», «Экологтар мен техникалық бағыттағы» «Сәндік-қолданбалы және көркем өнер» бөлімдерінің үйірмелерінің жұмыстарымен танысып, үйірмеге қатысатын балалармен сұхбаттасты. Аталған орталықта 26 үйірме жұмыс жасайды. Онда қамтылған бала саны - 700.

Бөлімдерде атқарылып жатқан жұмыстармен келген қонақтарды Сарай басшысы Отарбаева Д.Қ. қысқаша таныстырып өтті. Әр бөлімдегі үйірмелер жайлы ақпаратты бөлім басшылары баяндады, оқушылар өздерінің шығармашылық жұмыстары жайлы айтты. Қонақтар «Туризм және өлкетану» бөліміндегі «Ұлы дала тарихы», «Қазақстанның сакралды орындары» стендтеріді тамашалап, кабинеттердегі тәриеленушілердің сабақтарына қатысты. Бөлім педагогтері жыл сайын «Шаңғы жолы», «Алтын күз», «Спорттық бағдарлау» сайыстарын өткізетіндігін, оған тек қана сарай үйірмешілері ғана емес, қала мектептерінің оқушыларының да тартылатынын айтты. Туризм және өлкетану бағыты бойынша үйірмеге қатысушы оқушылар облыстық, республикалық сайыстарға белсене қатысып, жүлделі орындармен оралуда.

Орталыққа келген қонақтар «Жасыл технологиялар» блогында болып, жүргізіліп жатқан жұмыстармен танысты. «Химия әлемі» үйірмесінде балалардың лабораториялық тәжірибелерін көріп, қызығушылықтарын білдірді. Бөлім меңгерушісі А.Н. Матвеев қонақтарды «Жасыл технологиялар» үйірмесінің аясында жүргізіліп жатқан жұмыстармен жете таныстырды.

Қонақтар қазіргі заман талабына сай ашылған «Роботехника» үйірмелерін көріп, «Стэм-лаборатория», яғни техникалық бағыттағы бөлімінің «ROBO KIDS», «Robo Land», «Эко моделирование», «Робототехника» үйірмелерінің жұмыстарымен танысты.

Іс-шара барысында тәрбиеленушілер практика жүзінде жұмыстарын көпшілікке көрсетті.

Биылғы оқу жылынан бастап дарынды оқушыларға арналған «КОЛОРИТ» ИЗО студиясы жұмыс жасайды. Студия қосымша білім беру жағдайында кәсіпке дейін және кәсіптік бағдар беруге бағытталған. Экскурсия кезінде қонақтар плэнерге сурет салып отырған балалардың жұмысын тамашалады.

Іс-шараға қатысушылар оқушыларға қазақ халқының қол өнерін үйрететін «Сиқырлы саусақ», «Алтын» оймақ» үйірмелерінде өтіп жатқан сабақтарды көріп, оқушылармен сұхбаттасты.

Үйірмешілер іс-шара соңында қала әкімімен және келген қонақтармен естелік суретке түсті.


bottom of page