Қарағанды қаласындағы Балалар мен жеткіншектер сарайының білім беру робототехника зертханасы 2019 жылдың қазан айынан қараша айына дейін өз тәрбиеленушілеріне құрастыру, бағдарламалау, алгоритмдеу кезеңдері бойынша кіші жарыстар өткізді.
Жарысқа 7-9 жас, 10-13 жас аралығындағы 100-ден астам бала қатысты. Жарыс барысында балалар оқу кезеңінде алған білімдерін көрсетті. Әр кезеңнен өту барысында тәрбиеленушілер қызығушылықпен орындады, роботты құрастыруға көңіл бөлді, бағдарламалауда логикалық ойлау қабілетін көрсетті, жеке және командалық жұмыс кезінде өздерін жақсы көрсетті. Жарыстың соңғы кезеңі - құрастырылған Робо-машиналар жарысы.
Жарыстың ұйымдастырылуына «Жас инженер» курсының 2 жылдық тәрбиеленушілері кезеңдерде төрешілер ретінде үлкен көмек көрсетті. Қатысқан балаларға және ұстаздарға алғысымызды білдіреміз.
