«MENIŃ ELIM» ақпараттық-виртуалды орталығының ашылу салтанаты өтті

17 мамыр күні Оқушылар сарайында «MENIŃ ELIM» ақпараттық-виртуалды орталығының ашылу салтанаты өтті. Орталықтың ашылуында Нұр-Сұлтан қаласы әкімінің орынбасары Каналиев Ермек Ермекұлы, Білім басқармасының басшысы Жанғозин Ануар Қанатұлы сөз сөйлеп, Оқушылар сарайының тәрбиеленушілері қонақтарды орталық бөлімдерімен таныстырды.

«MENIŃ ELIM» ақпараттық-виртуалды орталығы «Мәңгілік ел», «Рухани жаңғыру», «Ұлы даланың жеті қыры», «Қасиетті Қазақстан», «Абай әлемі», «Киелі мекен - Қазақстан» картасы, «Менің мамандығым» бөлімдерінен тұрады. Әр бөлім виртуалды технологиялармен жабдықталған. Бұл орталықта арнайы смортфондар мен виртуалды көзілдіріктер арқылы ақпарат алуға болады.