Спорт кешенінің кіреберісінде робототехникаға арналған түрлі құрал-жабдықтар, әдістемелік материалдар қойылған көрме өтіп жатыр. Онда 3D-принтер арқылы бөлшектері шығарылып, құрастырылған өнімдер, балаларыңыздың ойыншықтарын жинайтын роботтың базасы, виртуалды әлемге шақыратын құрылғылар, алысты жақын ететін квадрокоптерлер және т.б. робот атаулының неше түрі қойылған. Ғылым-біліммен шынайы қаруланған облыс оқушылары жерде жатқан қу темірге жан бітіріп, оған тіл мен жазу үйретіп, тіпті де жоғары жұмыс өнімділіктері мен жаратқанның зейінін әлемнің басқада тылсым құбылыстарын зерттеу үстінде. Сонымен қатар фестиваль аясында робототеxника мектебіне жазылуға болады.
