Жезқазған қаласының балалар мен жасөспірімдер сарайының «Сәндік-қолданбалы және көркем өнер» бөлімі оқушылардын көктемгі демалысында қала мектептерінің арасында «Алтын моншақ» - «Золотой бисер» атты қалалық сәндік-қолданбалы өнер сайысы кормесін ұйымдастырды. Сайыс «Рухани жаңғыру» бағдарламасы аясында еліміздің жүрегі Астана қаласының 20 жылдығына арналды.
Сайыстың басты мақсаты моншақтың әр түрін пайдалана отырып, қолөнер кәсібіне баулу, дарынды шеберлерді іздестіру және қолдау, қолөнердің осы моншақпен жұмыс жүргізу түріне деген қызығушылығын арттыру, шығармашылық қабілеттерін одан әрі дамыту, жас қолөнер шеберлерін марапаттау.
Аталған сайысқа Жезқазған қаласының №8 гимназиясынан - 16, Қ. Сатпаев атындағы № 7 мектеп-лицейінен - 3, Қ. Шыңғысов атындығы № 5 ОМ - 7, № 2 Кеңгір орта мектептебінен - 13, № 13 орта мектебінен - 12, № 11 ОМ - 10, №3 орта мектебінен - 3, №4 орта мектебінен 5 жұмыстар тапсырылды.
Көрме Жезқазған қаласы Оқушылар сарайында орналастырылды. Көрмені көктемгі демалысқа шыққан мектеп оқушылары келіп тамашалауда. Сәндік-қолданбалы өнер сайысының жеңімпаздары 2018 жылдың 29 наурызы күні өткізілген іс-шарада марапатталады.
