Жас натуралистер станциясында әлемде аталып өтілетін экологиялық күндерге басты назар аударылады. Баға жетпес табиғат байлығын сақтау, қорғау, қалпына келтіруде экологиялық күндер бала тәрбиесінде маңызды роль атқаратыны сөзсіз. Сол экологиялық күндердің бірі «2 ақпан сулы – батпақты жерлер күні» «Менің сүйікті жануарым» үйірмесінің шеңберінде аталып өтті. Рамсар конвенциясы туралы үйірме жетекшісі Куралбаева Индира Турдакыновна қысқаша баяндама жасап, балаларға мәлімет берді.
Балалар Рамсар конвенциясы туралы түсінік алып, сулы – батпақты жерлерді мекендейтін өсімдіктер мен жануарлардың кейбір түрлерінің тіршілігі туралы танысып, бейне сюжеттерден мағлұмат алды. Сулы – батпақты жерлер Қазақстанның “Қызыл кітабына” енген қоқиқаз секілді ғажайып құстың мекендейтін ортасы болғандықтан, оларды қамқорлыққа алу жағы да назарда тұруға тиіс екендігін ұғынды.
