Ақтөбе қаласының қалалық жас натуралистер стансасында Қазақстан Республикасы Тәуелсіздігінің 25 жылдығына орай 25 түрлі шара ұйымдастырылды.
Тәуелсіздік жолындағы қазақ халқының ғасырлар бойы басынан өткен кезеңдерін, осы жылдары елінің азаттығын, еркіндігін аңсаған ұлт зиялыларын насихаттап, отаншылдыққа , ұлтжандылыққа, өз елін, тегін, тарихын сүюге тәрбиелеу мақсатында ұйымдастырылған шаралар еліміздің атаулы күндерімен байланыстырылды.
Станса әдіскерлері А.Кубесов "Жануарларды қамқорға алайық!» тақырыбында акция, «Ұзын құлақ сұр қоян!» тақырыбында көрме, Д.Есенгалиева «Поделки из природных матералов», «Күзгі фантазия», «Гүлге оранған кемпірқосақ» тақырыптарында шебер-класстар өткізді.
Р.Давлетова, Т.Шорина, Ж.Жантурина Н.Байганин атындағы облыстық балалар кітапханасымен бірлесіп «Бірлік пен ынтымақ – елдің белгісі», «Тәуелсіздік тұғырым!», «Тәуелсіз елім менің!», «Біздің күш қуатымыз – бірлікте», «Жарқын болашақты – Қазақ елі!», «Менің дамуым – Қазақстанның дамуы!» тақырыптарында дөңгелек үстелдер, ашық сабақ, кездесулер ұйымдастырды. І.Шайхы, А.Ұлықпанова, А.Беккулова «Табиғат айнасы», «Тәуелсіздік күнімен!», «Жайнай бер, Менің Қазақстаным!», «Қазақстанның гүлденуі жастардың қолында», « Тәуелсіздік – ел мұрасы!», «Менің отаным – Қазақстан!», «Тәуелсіздік – теңдігім!», «Біздің Ел Қазақстан!», «Біз – еліміздің жастары», «Тәуелсіздік –ел тарихы!», « Тәуелсіздік - ел бақыты!», «Моя Родина – Казахстан»тақырыптарында байқаулар, танымжорықтар, пікір сайыстар, мерекелік кештер ұйымдастырды.
Қазақстан Республикасы Тәуелсіздігінің 25 жылдығына арналған 25 түрлі шара «Егеменді Қазақстанның Тәуелсіздігі құтты болсын!» тақырыбындағы мерекелік кешпен қорытындыланды. Белсене ат салысып, шығармашылықтарын шыңдаған стансаның үйірме мүшелері мен қосымша білім беру педагогтары Қалалық жас натуралистер стансасының Мақтау Грамоталарымен марапатталды.
Абыкаева Гүлмира Жайғалиқызы
