2016 жылғы 10 желтоқсанда Қазақстан Республикасы Тәуелсіздігінің 25 жылдығын мерекелеу аясында 11 шағын ауданындағы Дальний-2 тұйық көшесінде жасөспірімдерге арналған «Шаңырақ» аула клубының ашылуы өтті. Аула клубының ашылуына облыс әкімі Б.М.Сапарбаев және қала әкімі І.С.Испанов қатысты. Клубтың ашылуына осы ауданда тұратын балалар және олардың ата-аналары жиналды. Аула клубының салтанатты ашылуына сәйкес кіреберістегі арка жұлдыз түрінде жасалған шарлармен безендірілген, ал лентаны ертегі кейіпкерлері ұстап тұрды. Ашылғаннан кейін барлық қонақтар ғимаратқа кіріп мәжіліс залы және жаттығуларға арналған бөлмелермен танысты. 2 қабатты клуб ғимаратының ауданы 6467,8м² құрайды және 1300 балаға арналған. Клубта балалар өздерінің бос уақыттарын өткізіп, актерлік шеберлікпен, ән айтумен, би билеумен айналысып, хипхоп, дэнсхолл, вакинг, брейк, классика, паппинг қазіргі замаңғы би түрлерін, музыкалық аспаптарда ойнауды үйренеді. Клубқа қаланың «Угольник», 11 шағын аудан, «Құрмыш», «Мәскеу» аудандары маңында тұратын балалар бара алады.
