«Жерұйық» жас натуралистер станциясының ұйымдастыруымен 2016 жылғы 15 қарашада Тәуелсіздіктің 25 жылдығына орай жоспарлы «Тәуелсіздік жалауы» атты қолөнер байқауы өткізілді. Бұл байқауға орталықтың «Өсімдіктер әлемі», «Экология», «Зоология», «Өлкетану және туризм» бөлімдері қатысты. Байқаудың жұмыстары келесі критерийлер бойынша бағаланды: байқаудың тақырыбына сай орындалуы; білім алушылардың ойлау ерекшеліктері, орындау шеберлігі; түстерді орынды қолдануы.
Байқауды қорытындылау үшін 3 адамнан құралған саралау комиссиясы құрылды. Оның шешімі бойынша 850 асықтан құралған «Көк тудың желбірегені» атты қолөнер жұмыстары үшін «Өсімдіктер әлемі» бөлімінің ұстаздары - бөлім меңгерушісі Келгенбаева Анар І - орынды жеңіп алды.
ПВХА материалдарын қолданып, ерекше түсті таңдай отырып жасаған жұмыстары үшін «Өлкетану және туризм» бөлімінің ұстаздары - бөлім меңгерушісі Г. Ердаулетова ІІ - орынды жеңіп алды. «Тәуелсіздікке - 25 шың», «Гүлдене бер-Қазақстан» атты тақырыптағы қолөнер жұмыстары үшін «Зоология» бөлімінің ұстаздары - бөлім меңгерушісі А. Абенова мен «Экология» бөлімінің ұстаздары - бөлім меңгерушісі А. Смагулова жүлделі ІІІ - орынды иеленді.
Аталған байқаудың қолөнер бұйымдары 2016 жылғы 19 қарашада өткізілген Республикалық семинардағы көрмеге келген қонақтардың көзайымына айналды.
«Жерұйық» жас натуралистер станциясы
2016 жылғы 15 қараша
