Атырау облысы Білім беру басқармасы «Облыстың білім беру ұйымдарында ерте жастан жүкті болудың алдын алу жұмыстарын күшейту бойынша іс-шаралар жоспарын» іске асыру мақсатында Жылыой ауданы, №4 орта мектебінде «Отбасы – өнеге мен тәрбие ұясы» тақырыбында облыстық семинар өткізілді.
«Ұлттық құндылығымыздың ұйытқысы – тәрбиелі қыз» облыстық жобасын жүзеге асыру барысында қала, аудандарда тірек мектептері белгіленген болатын. Жылыой ауданында өткен семинарда №4 орта мектебі жобаның тірек мектебі ретіндегі жұмысымен таныстық.
Семинар қыз тәрбиесі тақырыбындағы дөңгелек үстелмен басталды. Дөңгелек үстелге ардагер ұстаздар, ауылдың қария әжелері, ата-аналардың қоғамдық кеңесінің төрайымы қатысып, өзекті мәселе бойынша өз пікірлерін ортаға салды.
Семинардың жұмысы «Сырғалы жеңге, сұлу қыз» сайысының көрінісімен, «Ұлағат болсын ұлыма, ғибрат болсын қызыма» театрландырылған көріністерімен аяқталды. Шараның ерекшелігі тірек мектебі ұлдармен жүргізілетін жұмысты «Тарлан» ұл балалар клубы арқылы көрсете білді.
Облыстық шараға облыс әкімдігінің жанындағы әйелдер істері және отбасылық-демографиялық саясат жөніндегі комиссиясының хатшысы, Білім беру басқармасының, аудандық білім беру бөлімдерінің тәрбие жұмысына жауапты мамандары, қалалық, аудандық мектептері директорларының орынбасарлары, психологтар.
