Атырау қаласының 376 жылдығына орай 8 қазан күні Махамбет-Исатай атындағы алаңда Атырау қаласының оқушылар орталығы ұйымдастыруымен «Мұнайлы қалам-шырайлы далам» атты мерекелік шара өткізілді.
Шара қала тұрғындары мен қонақтарын мерекемен құттықтаудан басталды. «Туған ел» әнімен басталған шарада орталық оқушылары өз өнерлерін көрсетті. Әуелеген әсем ән де шырқалды, мың бұралған бишілер де биледі. Сонымен қатар, оқушылар орталығының бейнелеу өнері, сәндік-қолданбалы өнер, робототехника көрмесі жасақталды, қызығушылығы бар қала қонақтары көрмені тамашалап, өз бағаларын берді.
Шарамызға Атырау қаласының әкімі Шапкенов Серік Жамбылұлы
қатынасып, концерттік бағдарламаны жоғары бағалап, қолөнер бұйымдарына тәнті болып, қалалық әкімшіліктің макетін біздің орталыққа жасатуға ұсыныс білдірді. Мерекелік шара өте жоғары деңгейде бағаланды. Қала қонақтары ыстық ықыласпен қабылдап, өнерпаз оқушылармен естелік суреттерге түсті.
