Қазақстан Республикасы Тәуелсіздігінің 25-жылдығына арналған этнофестивальге 25 мыңға жуық адам қатысты. Негізгі шаралар елуден астам киіз үй тігілген Кенжекөл ауылының жанындағы өзен аңғарында өтті.
Әр киіз үйдің алдында қазақ халқының салт-дәстүрлерінен көрініс қойылып, әншілер мен күйшілер өнер көрсетті.
Павлодар облысының әкімі Болат Бақауов өзіне саздан жасалған шәугім сатып алды.
Бүркітшілер саят құстарын баулу мен аң аулау туралы әсерлі әңгімелеп берді.
Фестивальге жиналған қонақтар алтыбақан теуіп, «Қазақ күресі» турнирі мен көкпар ойынын тамашалады.
Киіз үйлердің ішінде халық қолөнерінің көрмелері ұйымдастырылды
Фестивальде кез келген адам гір тасын көтеріп, нағыз апайтөс жігіттер күш атасы Қажымұқанның ерлігін қайталап, үлкен тасты көтеріп көрді.
Көрме-жәрмеңкеде фестиваль қонақтары зергерлер мен қолөнершілер жасаған бұйымдарды сатып алды.
