Білім басқармасының 2016 жылдың 17 мамырындағы №348 бұйрығына сәйкес балалар мен жасөспірімдерді экологиялық білімнің белсенді түріне тарту, өскелең ұрпақты қазақстандық патриотизмге тәрбиелей отырып, тазалық пен әсемдік белгісін насихаттау мақсатында 3 маусым күні қалалық мәдениет және демалыс саябағында «Туған өлкем» атты облыстық «Гүлдер әлемі» фестивалі өткізілді.
Фестивальге БҚО 9 аудан, Орал қаласы № 30,32, 47 жалпы орта білім беретін мектептері, облыстық көру қабілеті бұзылған балаларға арналған арнаулы мектеп – интернаты, облыстық есту және сөйлеу қабілеті бұзылған балаларға арналған мектеп – интернат кешені, зерде бұзылыстары бар балаларға арналған облыстық арнайы мектеп-интернаты, дарынды балаларға арналған мамандандырылған №8 облыстық мектебі, облыстық экологиялық – биологиялық орталығы қатысты. Барлығы 55 оқушы.
Байқаудың жеңімпаздары:
Дарынды балаларға арналған мамандандырылған №8 облыстық мектебі;
Қаратөбе ауданы Мұхит атындағы ЖОББМ оқушысы;
Бөрлі ауданы Балалар өнер мектебі;
Зеленов ауданы Щапов ЖОББМ.
