Астана қаласы білім басқармасының қолдауымен «КазРоботикс» Махамбет Өтемісұлы атындағы оқушылар сарайымен бірлесіп аймақтық «KazRoboSport – 2016» іріктеу чемпионатын өткізеді. Чемпионат үш санатта өтеді: кегельринг, сызық бойымен жүгіру және робо-сумо.
Қазақстан робототехниктерін біріктірген коммерциялық емес ұйым, «Қазақстан спорттық және білім беру робототехникасының Федирациясы» Республикалық қоғамдық бірлестігі өз жұмысын 2015 жылдың маусымынан бастады.
Федерация үш бағытта жұмыс жасайды:
Білім – Қазақстан білім беру жүйесіне робототехниканы жаппай енгізуге жәрдемдесу
Спрот – ұйымдастыру, робототехника бойынша республикалық іріктеу жарыстарын өткізу, Қазақстан құрамасын халықаралық жарыстар мен чемпионаттарға жасақтау
Ғылым – ұйымдастыру, робототехника бойынша ғылымитехникалық жобаларды қорғау мақсатында байқаулар мен көрмелер ұйымдастыру, жас ғалымдарға қолдау көрсету, халықаралық олимпиадаларға қатысу.
KazRoboSport – 2016 облыстық іріктеу чемпионаттары ел бойынша 2016 жылдың сәуір-маусым айлары аралығында өткізіледі.
Чемпионатқа Астана қаласының Назарбаев зияткерлік мектебі МКҚМ Оқушылар сарайының жанындағы «Роботэк» робототехника клубы, «Шестеренки» тәжірибелік механика және робототехника командалары мен Ақмола облысының балалар және жасөспірімдер командалары қатысады. Ережеге сәйкес, қатысушылардың жас ерекшеліктері жас кезеңдеріне бөліне отырып, жастары 10 жастан 25-қа дейін болуы мүмкін. Чемпионатқа қатысу үшін робот платформасы: шектеусіз.
Іріктеу чемпионатына қатысу көрермендерге де, қатысушыларға да тегін болады. Жеңімпаздар Федерация дипломын және жылсайынғы республикалық «KazRoboSport» чемпионатына қатысуға мүмкіндік алады. Жарыс кезінде «Робототехниканы оқыту» шеберлік сабағы өтеді.
