Мақсаты:
Балалар мен жасөспірімдер арасында спорттық туризмді, туған өлкенің тарихы мен мәдени мұрасын оқып-үйрету; спорттық туризмнің құралдары арқылы денсаулықтарын нығайтуға және олардың бос уақытын тиімді пайдалануға ықпал ету; салауатты өмір салтының дағдыларын және нашақорлыққа, есірткіге қарсы күресуді насихаттау; үйірмешілердің арасынан ең үздік туристік құрама топтарды анықтау және іс-тәжірибе алмасу, жыл бойы алған білімдерін қорытындылау.
Өткізілген уақыты мен орны: 2015 жылғы 1-2 маусым аралығында, Шымкент қаласы, «Абай» саябағы.
Іс-шараның өткізілу барысында БАҚ өкілдері қамтылды, педагогтар мен үйірмешілердің сұқбаттары, жарыстың өтілу барысы жергілікті телеарнаның жаңалықтарынан көрсетілді.
Іс-шараға «Облыстық жас туристер станциясының» қосымша білім беру педагогтары, жалпы саны 30 және 450 үйірмешілер қамтылды.
2015 жылғы 2 маусымда «Қош келдің, жаз!» қорытынды сайыстың салтанатты жабылуы өтті. Жеңімпаз командалар мен үйірмешілерге арналған концерттік бағдарлама ұйымдастырылды. Жеңімпаздарға әкімшілік тарапынан мадақтамалар мен сыйлықтар тапсырылды.
Анықтаманы дайындаған:
Оңтүстік Қазақстан білім, жастар саясаты және тілдерді дамыту басқармасының «Облыстық жас туристер станциясының» директорының орынбасары Омирбаева Сауле Омирсериковна.
Байланыс телефоны: 8/7252/56-18-07, 87789998201
