2015 жылғы наурызда Ақтөбе қаласы Оқушылар сарайында орыс тілінде оқитын 2-4 сынып оқушыларына арналған «Өмір сүрю қандай бақыт» тақырыбында мерекелік іс-шара өткізілді.
Мақсаты: салауатты өмір салтын насихаттау.
Міндеттері:оқушыларды салауатты өмір салтына, дұрыс тамақтануға, жеке бас гигиенасын сақтауға қалыптастыру;
денсаулықты тиімді сақтау жолдарына тәрбиелеу; оқушылардың шығармашылық қабілеттері мен ойлау қабілетін дамыту.
Қатысушылар: қала мектептерінің орыс тілінде оқытылатын 2-4 сынып оқушылары, тәлімгерлер, ұйымдастырушы-педагогтер.
Қазіргі таңда нашақорлық, ойынқұмарлық, артық салмақ, ғаламторға тәуелділік мәселелерін қоғамнан аластатуымыз қажет. Осы орайда ұйымдастырылған мерекеде денсаулықты нығайту шаралары, өмір сүрудің тиімділігін арттыру, тамақтанудың жолдары туралы қала мектептерінің оқушылары үгіт бригада, ертегі қойылымдарын сахналады.
Мерекеде қалалық оқушылар Сарайының «Искорки», «Еңлік» би ансамбльдері, гимнастика және вокал үйірмесінің өнерпаздары және №3 ОМ, №11 МГ, №20 ОМ, №23 МЛ, №25 ОМ, №27 ОМ, Пригород ОМ оқушылары өнер көрсетті. Мереке барысында салауатты өмір салты ұғымына күн тәртібін сақтау, дене шынықтыру ғана емес, жақсы көңіл-күй, жаман әдеттерден аулақ болу өзектілігі туралы насихат жұмыстары жан -жақты көрсетілді.
