Бүгін «Музыкалық колледжі – дарынды балаларға арналған музыкалық мектеп-интернат» кешенінде Тәттімбет Қазанғаповтың 200 жылдығына арналған 49-облыстық жас музыканттар конкурсының салтанатты ашылуы өтті. Конкурсқа халық аспаптар бөлімінің 19 ұжымы және 70-ке жуық жеке орындаушы, барлығы 400-ден аса оқушы, педагог және концертмейстерлер қатысты.
Конкурс білім алушыларды ұлттық және әлемдік көркем мәдениеттің дәстүрлеріне тұлғаның қызығушылығын оятуға, талантты балалардың ұжымдары мен музыкалық білім алушы дарынды балаларды анықтауға, оларға қолдау көрсетуге және шығармашылық мүмкіндіктерін кеңейтуге, олардың орындаушылық шеберлігін арттыруға педагогтар мен ұжымдар арасында тәжірибе алмасу, олардың кәсіби шеберлігін көтеру үшін өнер мен мәдениеттегі жетекші мамандарды тартуға бағытталған.
