2011 жылғы 6 шілдеде Елбасының тапсырмасымен «Жас ұлан» бірыңғай балалар мен жасөспірімдер республикалық қоғамдық бірлестігі құрылған болатын. Бұл бастаманы қолдау мақсатында Ақтөбе қаласында 2011 жылы қыркүйек айында құрылған қалалық «Жас Ұлан» бірыңғай балалар мен жасөспірімдер ұйымы, қазіргі таңда 70-тен астам мектептердің ұйымдарын біріктіреді. «Жас Ұлан» ұйымы өзінің қатарын жылына 3 рет өткізетін қабылдау жиыны арқылы толықтырып отырады. Тәуелсіздік күніне байланысты барлық мектептің «Жас Ұлан» ұйымдарында салтанатты мерекелік жиындар өткізіледі.
2014 жылғы 5 желтоқсанда Ақтөбе қалалық Оқушылар сарайында Тәуелсіздік күніне арналған «Мәңгілік елім - Қазақстан» мерекесі өткізілді. Мерекеге «Жас Ұлан» ұйымының 5-6 сынып оқушылары (әр мектептен – 3 оқушы) және сынып жетекші шақырылды. «Мәңгілік елім - Қазақстан» мерекесі барысында көрермендерге болашағы жарқын егеменді еліміз туралы слайдтар, бейнероликтер арқылы мәліметтер берілді.
Мерекеде «Жас Ұлан» ұйымының Қала Кеңесі мүшелері флэшмоб пен спорттық жаттығуларды және №17, 24, 25, 41, Ақтөбе, Благодар, Қызылжар, Новый, Пригород орта мектептерінің оқушылары өз өнерлерін көрсетті.
Мерекеге байланысты оқушыларға «Мәңгілік елім - Қазақстан» атты құттықтау хаттары дайындалды. Шығармашылық тапсырманы үздік орындағандар «Қалалық оқушылар Сарайы» МКҚК мақтау қағазымен марапатталды. «Мәңгілік елім - Қазақстан» мерекесіне облыстық тарихи-өлкетану мұражайынан, Н. Байғанин атындағы, С. Бәйішев атындағы кітапханалардан қызметкерлер шақырылды.
