Республикалық біліктілікті арттыру курстары жалғасуда

Республикалық қосымша білім беру оқу-әдістемелік орталығы Павлодар қаласындағы М. Катаев атындағы Облыстық оқушылар сарайының базасында «Қосымша білім беру ұйымдарының әдістемелік қызмет жұмысының инновациялық жолдары» тақырыбында қосымша білім беру ұйымдарының әдіскерлеріне, жалпы білім беретін мектептердің директор орынбасарлары мен тәлімгерлеріне және қоғамдық қозғалыстың жетекшілеріне арналған республикалық біліктілікті арттыру курстары жалғасуда.

Қазақ тобының тыңдаушылары күннің бірінші жартысында Павлодар мемлекеттік педагогикалық институты кәсіби оқытудың теороия және әдістеме кафедрасының оқытушысы, педагогика ғылымдарының докторы, профессор Алинова Мансия Шарапатовна «Қосымша білім беру жүйесінде балалардың зерттеушілік құзыреттіліктерін қалыптастыру әдістері» тақырыбы бойынша жұмыс жасады.

Ал екінші жартысында Павлодар мемлекеттік педагогикалық институты география және химия кафедрасының аға оқытушысы Омаров Мұратбек Қаббасұлы «Білім алушылардың азаматтылығын, патриоттылығын және ұлттық сана-сезімін қалыптастыруда туристік-өлкетанудың рөлі» тақырыбында сабақ жүргізді.