Қырғызстанда бір айдан кейін Назарбаев атындағы қос мектептің біреуі толық пайдалануға беріледі. Қазақ елі басшысының тапсырмасы бойынша орта білім беру мекемесін тұрғызуға 6,5 млн. АҚШ доллары көлемінде қаржы бөлінген болатын. Бішкекте бой көтерген нысанда қазір әрлеу жұмыстары жүріп жатыр. Үкімет мүшелері құрылыс уақытында аяқталатындығын айтуды. Ал екінші білім ордасы жуық арада Ош қаласында тұрғызылмақ. Елдің құрылыс және сәулет мемлекеттік агенттігінің директоры Тұрдыбек Мәмбетовтің айтуынша, шаһарда мектептің құрылысына берілген ең әуелгі жер телімі шағын болған. Сондықтан оған қала шетінен басқа жер бөлініп, қазір оның құжаттары рәсімделіп жатыр. Жергілікті билік 500 оқушыға арналған мектептің іргетасын жыл соңына дейін қалап бітіретіндігін жеткізді. Тұрдыбек Мәмбетов, Қырғызстанның құрылыс және сәулет мемлекеттік агенттігінің директоры: - Қазір барлық басымдық Ош қаласына беріліп отыр. Өйткені келісімшартта құрылыс Бішкекте және Ош қаласында тұрғызылуы керек деп көрсетілген. Тендер жүргізілгеннен кейін 8 айдың ішінде біз оны толықтай тапсыруымыз тиіс. Источник: www.24.kz
