«Дипломмен ауылға» бағдарламасы іске қосылған 5 жылдың ішінде 30 мыңнан астам жас маман жұмысқа орналасты. Оның ішінде 3 мыңнан астамы мерзімінен бұрын келісімшартты тоқтатты. Жалпы осы жобаға ел бюджетінен 24,5 млрд.теңге қаржы бөлінді. Бұл туралы Орталық коммуникациялар қызметінің кезекті брифингінде Ұлттық экономика министрінің орынбасары Қайырбек Өскенбаев мәлімдеді. Оның айтуынша, қаладан ауылға барған азаматтарға тұрғынүйсатып алуға2 миллион теңгеден астам несие беріледі. «Пайыздық үстемесі төмен және 15 жылға берілетін бұл көмек жастардың еркін еңбек етуіне, отбасылы болуына жол ашады», - дейді вице-министр. Қайырбек Өскенбаев, ҚР Ұлттық экономика вице-министрі: - Бағдарлама жақсы іске асып жатыр. 2009 жылы 3 мыңнан астам мамандар ауылға баратын болса, былтыр санағанда 6 мыңнан астам мамандар ауылға барды. Жыл сайын мұның саны өсіп келеді.
Источник: www.24.kz
