Елбасы соңғы кезде ажырасулар жиі орын алып жатқандығына қынжылатынын білдіріп, жас шаңырақтарға асығыс шешім қабылдамауға кеңес берді. Тіпті өмірдің мәні қызмет пен ақшада еместігін айтып ағынан жарылды деп хабарлайды КТК арнасы.
"Жас келген сайын бұл өмірді түсіне бастайсың. Сенің жетістігің, миллиард ақшаң, қызметің басты орында емес. Ең бастысы адамға керегі отбасы, балалары....", - деді президент.
Мемлекет басшысы жастарға "Мерейлі отбасы" ұлттық байқауының қатысушыларынан үлгі алуға шақырды. Шоқтығы биік сайыста Түркістан қаласында тұратын Бимаханбетовтер жанұясы жеңімпаз атанды.
8 ұл-қыз тәрбиелеп 33 немере, 10 шөбере сүйіп отырған отағасы Елтай Бимағанбетұлы сыйлығын Елбасының қолынан алып қуаныштан жүрегі жарылардай болды.
"Аса қадірлі, мәртебеліелбасымыз, айналайын Нұрсұлтан Әбішұлы, 83 жасқа келгенде осындай жарысқа қатысып, сіздің қолыңыздан сый-сыяпат алу мен үшін үлкен қуаныш", - деді отағасы.
"Айтпайсыз ба, осындай көп бала асырасаң, 83 жаста мен сияқты боласың деп", - деп әдемі қалжыңдады бұған елбасы.
Бұған дейін хабарлағанымыздай, үбірлі-шүбірлі жеңімпаз отбасыға 14 орындық шағын автобустың кілті табыс етілді.
http://www.ktk.kz
