Отандық 10 жоғары білім беру мекемесі мемлекеттік «Үдемелі индустриалды-инновациялық даму» бағдарламасы бойынша мамандар даярлайды.
Бұл туралы ҚР Білім және ғылым министрінің орынбасары Тахир Балықбаев брифинг барысында мәлімдеді. Жоспарды жүзеге асыру үшін қаржы бөлінген, енді жаңа білім беру бағдарламалары әзірленбек. Сонымен қатар 10 университетте бақылау кеңестері ашылды. Жұмыстың сапалы жүргізілуі үшін менеджерлерді даярлау бағдарламасы жүзеге асуда. Биыл бақылау кеңестерінің 45 мүшесі шетелде біліктілігін арттырады деп жоспарланған. Жалпы, бүгінгі күні 55 университет жетекшісі осы жаңа жүйені меңгерді.
Тахир Балықбаев, ҚР Білім және ғылым вице-министрі:
- Жылдың аяғына дейін бүкіл 40 жоғары оқу орнында байқау кеңестерін құрмақшымыз. Оның негізгі идеясы – оқу орындарының қызметін, стратегиялық даму жоспарлары мен ректорлар қызметін бақылау. Соның есептерін тыңдап отыратын боламыз.
