12 ҚЫРКҮЙЕКТЕ ХАЛЫҚАРАЛЫҚ ПАТРИОТТЫҚ АКЦИЯ БАСТАЛАДЫ

Бұл туралы бүгін Астанада өткен баспасөз мәжілісінде автошерудің ұйымдастырушылары мәлімдеді. Алматыдан басталатын автожарыс Қазақстан, Қырғызстан және Ресей аймағы арқылы өтеді. Акцияның негізгі мақсаты – халықтар арасындағы достықты нығайтып, Отансүйгіштік тәрбиенің рөлін күшейту. Ұлы Отан соғысында қаза тапқан жауынгерлердің ерлігі мен өрлігін өсіп келе жатқан жас ұрпақтың бойына сіңіру.

Автошеру Жеңістің 70 жылдығына арналады. Патриоттық шараға мемлекеттік органдардың, Қорғаныс министрлігінің, «Нұр Отан» партиясының өкілдері мен ардагерлер және интернационалист-жауынгерлер қатысады.

Бақытжан Ертаев, ҚР Парламенті Мәжілісінің депутаты, Халық қаһарманы:

- Ұлы Отан соғысында да біздің аталарымыз, ағаларымыз, аналарымыз өзінің патриоттығын, Отанды қалай сүю керектігін, Қазақ елінің батырлығын көрсетті. Мәңгілік ел – болашағын ойлайтын ел. Ол - жастарды Отанды қалай сүю, қаһармандық жолына қалай баруды осы жастарға үйрету.

http://www.khabar.kz