Ал бағасы 13 мыңнан 16 мың теңге арасында құбылады. Базарларда арзанырақ, бірақ одан сатып алуға рұқсат жоқ. Бұл ата-аналардың аяқасты шу шығаруына себеп болуда. Жағдайды естіп жедел жеткен жауапты компанияның жетекшісі тапсырыс тым көп деп түсіндіруге тырысты. Сондықтан қолда барын ғана таратып жатқан көрінеді.
Әскер Башеев, мектеп формасын сатушы компанияның жетекшісі
- Бірінің өлшемі келеді, екіншісінікі келмейді. Жұрттың осыған шулап жатыр. Біреуге жетті, біреуге жетпеді. Бірақ біз барлық мектепке бір комплектіден беріп жатырмыз. Ал жейдені олар қарашада ғана киеді. Оны біз бөліп алдық. Себебі барлығын жасағанша, біраз уақыт кетеді. Бұл компания 17 мектепті бірыңғай формамен қамтамасыз ету үшін тендерді ұтып алған. Киімді Түркияда тіктіреді. Айтуынша, онда әлдеқайда сапалы. Құнының қымбаттығы да осыдан. Бірақ ата-аналар оның сапасына күмәнмен қарайды.
Самал Жылқайдарова, ата-ана:
- Бүгін белдемшесін ғана алдым. Оның өзін әзер тауып берді. Бұл жерге төрт күн келіп жүрмін. Ал үсті жоқ. Сапасы нашар. Мұндайды өзім де тіге аламын. Ал сауда орталығын айналшықтап жүрген ата-аналар ақысының бір-бөлігін алдын ала беріп қойғандарын айтады. Тапсырыс келісім бойынша оқу маусымы басталмай тұрып орындалу тиіс. Енді компания басшылары бір ай бойы үлгермеген жұмысын бас-аяғы екі күнде аяқтап, барлық оқушыны киім-кешекпен қамтымақ.
Авторлары: Аслан Қаженов, Дәурен Жұрқабаев
www.24.kz
